Unutmağı Unutdum

Getdiyin gün

Bütün ayrılıqların hesabı məndən soruşuldu

Bütün ağrılı mahnıların

Bütün qəmli sevdaların

Getdiyin gün

Hər çiçəyə bir gözyaşı

Hər kəpənəyə bir ağı

Mənə də yüzlərlə şeir düşdü

Yazmağa məhkum

Gözlərin üçün…

Mən ki

Dönüşünə həsrət yaşadım bütün ayları

Və gülüşünə həsrət bütün baharları

Gəl gör ki

Bir dağa çarpar kimi çarpdı ürəyim yoxluğuna

Bir mən bilirəm

Qürurumu hansı daşlara vurduğumu

Başımı hansı divarlara

Və hansı uçurumlara körpülər qurduğumu

Bir sənə qovuşmaq üçün

Sən gedəndən

Bütün yollarımın yolları kəsik

Bütün budaqlarımın budaqları qırıq

Neçə gecəyə gözətçi

Neçə səhərə növbətçi

Neçə yuxusuz qatara biletçi oldum

Gəlmədin

Halbuki həmişə qazanclar içində saxladım ümidlərimi

Yağışlar içində qurutdum göz yaşlarımı

Bir sənə sarılmaq üçün

Bir ucu ürəyimdə qaldı bu sevdanın

Bir ucu əllərində

Bir addımı səndə qaldı sonumun

Bir addımı səbrimdə

Çünki

Buludlara çəkilmiş

Ulduzlara yazılmış

Və ürəyimə qazılmış bir quru sevda idi bu

Günlərlə

Qışlardan günəş

Və bütün ölümləri təxirə saldım

Bir sənə toxunmaq üçün

Halbuki getdiyin gün

Yuxularımı oğurladım gözlərimdən

Dizlərimdə yatırtdım

Ağrılarımı qopardım ürəyimdən

İzlərində ovutdum

Və sözümü də tutdum

Yanaraq için-için

Bax indi bu gün

Unutmağı da unutdum

Bir tək səni

Unutmamaq üçün….

 

 

Advertisements

Cavab qoy

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma